Merardo José Benítez González," chomera, Ihito", niko ñande tavaygua ohayhu añetéva ñane ñe'ê guarani; oikuaa, ombe'u kuaa: mombe'upy, pukarâ ha kaso ñemombe'uhápe háigui etira.
Ramónte niko, ko tapicha ohai "Papíto Fránko rembihasakue". San Pedro del Paraná ygua niko oimevaerâ oikua katuete tapicha Papíto-pe; hetámingo ha'e omombe'u opaicagua hembihasakue gua'u, ijapueteminte; pe ijapúpe niko avavépe nombyaíri, ha katu rasaite ñanembopuka.
Chomera niko omboguapy kuatiápe ko'â tembihasakue, tembiapopy neporâva; ipype ñañemomandu'áta ñande vállere; jajuhúpa heta ñande vallegua imandu'ava Papíto imombe'upype; oimevaerâ jaikuaa katuete: Karai Luisíto, Pablo Maciel, Kambálo, Euklide, Florencio Karisimo, Ña Timotea, Ña Luisa Mendoza, Nenecho, Eulogio, Karai Diomede, Kali, Lálo, Paráko, Ta'i Ximene, Meegildo Delvalle, Kornello Ramo, Xuande Korrea, Chimau, Rosenda Vera, Basillo Ehteche, Karai Ambrosio, Kalesitero Sanabria, Kencho Sosa, Naíno, Kimbóm, Chiriko ha heta tapicha.
Imombe'upýpe jajuhúta: Omuña ichupe vaka ñarô karai Luisito pikétepe, Demoño orregala ichupe imbarakarâ, Papítogui oiko mo'â luisóme, Papíto ho'u pombero estofado, Concurso de tepynone, Ohendu Ña Luisa Mendosape oja'orô tio Kimbómpe, Nenecho Nuñe ndaje imba'e kuaa, Kali ha Lalo ningo oveve, Ta'i Ximene oparei, Papíto otopa roguare pora, Omuña ichupe dinosaurio ha heta pukarâ jajuhuta ipype.
Chomera ojapóma mokôi moñe'êra Papíto Franko rembiahasakue, iporâvaerâ ñamoñe'ê jaikuaa ñande tavapyregua ha ñaipytyvô ñamosarambívo ñande tavaygua rembiapokue. Vy'apavê Chomerápe.
No hay comentarios:
Publicar un comentario